KALIBO, Aklan—Ginareklamo makarun it sangka pari ro pagharang it sangka barangay kagawad sa half lane it national highway sa may bahin it pink sister sa Barangay Polo, New washington.
Suno kay Fr. Gil Espuelas nga ko nagtaliwan nga buean it Oktubre, 2021 kat nakibot sigon imaw matapos nga ginharangan ni Barangay Kagawad Alvin Bautista ro katunga it national highway ag ginbutangan it tubo kung sa siin ro ginabuga karang tubi hay naga-ilog sa tunga it karsada.
Dugang pa kara nga naalarma imaw sa natabo bangud nga owa sanda nakasayod kung sa siin maghalin ro nasambitan nga tubi kamana man nga dekikado pa sa mga motorista ag riding public.
Sa pihak nga parte, dismayado man si Fr. Espuelas matapos nga owa mataw-an it aksiyon ro anang reklamo sa taeatapan ni Barangay Kapitan Ariel Relato it Brgy. Polo. New Washington.
Samtang, gin-insister ni Barangay Kapitan Ariel Relato it nasambit nga barangay nga pagkatapos nana nga makabatun it sueat maghalin kay Fr. Gil Espuelas hay gilayon imaw nga naghimo it nagakaigo nga aksiyon.
Suno kay Kapitan Relato nga anang ginpatawag sa anang opisina si Barangay Kagawad Alvin Bautista ag ginpabasa ro sueat kung sa siin nagpromisa raya kana nga paga-ayuson ro nasambitan nga isyu rason nga nag eaum imaw nga owa eun raya it naging problema.