KALIBO, Aklan–Grabe ro kahadlok nga nagparecord sa Kalibo Municipal Police Station ro sangka 26-anyos nga biktima matapos nga gina-alegar gin-abangan ag tutukan imaw it kutsilyo sa may bahin it Capitol site, Estancia, Kalibo.
Ginapahayag kara nga bandang alas-4 it aga-aga ko Pebrero 5, adlaw it Sabado kat nagdesider imaw nga magguwa para magbakae it kape ag kat pabalik eon it anang boarding house hay sangka eaeaki ro nagtutuk kana it kutsilyo ag pilit nga gin-usoy ro anang cellphone.
Insigida sigon nga gintikeod it biktima ro owa pa natumod nga suspek ag gilayon nga nagpaeagyo.
Bangud sa grabeng kahadlok tuga it nasambit nga insidente hay gilayon nga nagdueog ro biktima sa Kalibo Municipal Police Station.
Nasayuran nga nakasuksok it grey nga hood jacket ro suspek.
Madumduman nga nauna eon nga nabiktima ro daywang ka estduyante it owa pa nakilaea nga snatcher sa may bahin it Calachuhi road nga sakop it brgy. Andagao, Kalibo.
