KALIBO, Aklan–Naging mabinungahon ro pagtinguha it sangka police officer it Kalibo Municipal Police Station matapos nga maging sambilog sa nakapasar sa kakatapos eamang nga 2020-2021 BAR Examination.
Ginpahayag ni Police Corporal John Michael Recto, tumandok it Balete, nga pagkatapos nga makagraduate bilang sangka scholar sa Northwestern Visayan Colleges (NVC) sa kurso nga Criminology imaw hay nag-enroll sa sangka Law school sa Aklan apang na-‘culture shocked’ sigon imaw ag na-realized nana nga indi masarangan it anang mga ginikanan ro gastos sa pagtun rason nga nagdesisyon eon lang imaw nga ipaiway ro anang handom.
Bangud nga indi nana masarangan ro pag-full time sa pagtuon sa law school rason nga nag-abot it haeos siyam nga dag-on antes nana naangkon ro anang ginahandom nga propisyon.
Sa pihak it masako nga obligasyon bilang sangka police, ro pagbalanse sigon it oras ro anang naging sekreto para nga masarangan ro kabudlay nga duganganon ro pagserbisyo ag pagtuon.
Nasayuran nga raya eon ro ikaywang beses ni Recto sa pagbuoe it BAR exam.
Si Recto hay napueong dag-on eon nga nagaserbisyo sa idaeom it PNP.
