KALIBO, Aklan—Nagapati si Atty. Axel Gonzalez, sangka political analyst nga naging madinaeag-on ro administrasyon ni dating Pangueong Rodrigo Duterte sa pagtapna it krimen apang mahina ro anang diskarte pag-abot sa economic development it nasyon.
Suno kay Atty. Gonzalez, nag-umpisa raya kat magpanaeasa ro pandemya kung siin mas nag-abu ro utang it mga 3rd world country kaeakip ro Pilipinas.
Mas gintaw-an sigon it prayoridad it Duterte administration ro peace and order.
Nasayuran nga bumunae eon sa P12.79 trillion pesos ro utang it Pilipinas.
Base sa datos it Bureau of Treasury, nagtaas raya it 2.4% ukon katumbas it haeos P300 billion kumpara sa haeos P12.5 trillion nga utang it nasyon ko Mayo.
Mas mataas raya it 14.6% kung pagabasehan ro June 2021 national debt nga 11.166 trillion pesos.
