KALIBO, Aklan—Eubos nga gina-aprisyar it sangka batikan nga abogado ag poltical analyst sa probinsya it Aklan ro mga hinimuan ni Senator Christopher “Bong” Go.
Suno kay Atty. Plaridel Morania nga may mga gintukod nga proyekto ro senador nga nakabenipisyo ro publiko.
Apang ro desisyon sigon ni Go nga mag-atras sa anang kandidatura hay bangud sa anang pagrespeto kay Pngueong Rodrigo Duterte nga anang ginakilaea it masobra pa sa anang ama.
Bangud sa mga pagbag-o nga natabo hay naging united eun ro grupo it Marcos ag Duterte kaibahan ro iba pang grupo it mga dating naging Presidente it nasyon.
Kasunod kara nagpadumdom man si Atty. Morania sa publiko nga kilaeahon anay ro andang pagasuportahan nga kandidato.
Mas mayad suno pa kana nga magpili it kandidato nga owa it may gina-eabag sa mga sugo it Diyos kapareho eamang it owa nagapamatay it tawo, owa it history it pagpanakaw ukon corruption ag owa nagapinusong.
Dapat man nga maging mapagmatyag ro mga pamatan-on bangud haeos 65 porsiyento it mga raya ro magiging bontante sa paeaabuton nga eleksiyon.
