KALIBO, Aklan—Gindumdom it sangka abogado sa probinsya it Aklan ro mga hinimuan ni dating Pangueong Fidel V. Ramos.
Suno kay Atty. Axel Gonzales, sangka political analyst nga ro pagdumaea ni Ramos kato sa nasyon hay nakaanggid sa porma it diplomasya.
Sa tyempo sigon ni Ramos hay napabaskog kara ro ekonomiya rason nga ginbansagan bilang “Tiger of Economy” sa Asya.
Sa idaeom sigon it anang pagdumaea sa nasyon hay naayos kara ro kinagamo sa Mindanao kung siin nakaangkon it katawhayan ukon rebellion it mga muslim sa rehiyon.
Kamana man nga nataw-an it trabaho ro mga tawo.
Madumduman nga nagtaliwan sa edad nga 94 anyos ro ika-12 pangueo it Pilipinas sa Makati Medical Center kahapon bangud sa komplikasyon sa COVID-19.
Si Ramos hay sangka militar nga nagsaka ro ranggo halin kat naging chief sa Philippine Constabulary ag Vice Chief-of-Staff it Armed Forces of the Philippines (AFP) sa tyempo it pagdumaeani President Ferdinand E. Marcos Sr.
Imaw man ro ginkilela nga baganihan it 1986 EDSA People Power Revolution.
Gin-unga ro dating pangueo ko March 18, 1928 sa Lingayen Pangasinan apang nagbahoe sa Asingan sa nasambit man nga probinsiya.
