KALIBO, Aklan – – – Temporaryong gin pasara it Local Government Unit (LGU) Malay ro porsyon it Crown Regency partikular eon ro Prince Resort nga sa Station 1, Barangay Balabag, Boracay bangud owa sigon raya it Business Permit umpisa pa ku 2016 ag owa raya nakakonekta sa sewerage system.
Sambilog eamang ro nasambitang hotel sa maabong establishimento nga kinahangeang ayuson ro Boracay kasunod it mandu ni Pangueong Rodrigo Duterte nga limpiyuhan ro bug-os nga isla.
May kaangtanan kara, insigida nga gin saylu ro andang mga guest sa iba pa karang hotel sa isla.
Nauna kara, nagpatigayun it inspeksyon ro Department of Environment and Natural Resources (DENR) Region 6 sa isla ag nasayuran nga ro Crown Regency Resort and Convention Center hay nakatukod sa wetland number 5.
Gin pasiguro man it ahensya nga paga bawion it gobyerno ro tanan nga mga wetlands sa isla it Boracay.
