KALIBO, Aklan—Ginpasiguro it pamunuan it Northwestern Visayan Colleges ukon NVC nga haum sanda sa pagsaylo sa alternative delivery mode kasunod it pagsuspinde it in-person classes sa agahon tuga it naeksperyensiyahan nga heat wave sa nasyon.
Suno kay Ms. Aileen Francis Hernandez, principal sa elementary department it NVC nga raya hay bilang pagsunod sa mandu nga ginpaguwa ni mayor Juris Sucro nga magpatigayon it half day classes sa bilog nga banwa it Kalibo tuga it mataas nga heat index nga nailista ko nagtaliwan nga mga inadlaw nga posibleng magtuga it peligro sa ikamayad nga eawas ag kaeowasan it mga learners ag mga manugturo sa sueod it eskwelahan.
Ko tiempo suno kana it COVID 19 pandemic hay may ginpatuman sanda nga seals program nga andang alternatibo sa in-person classes.
Sa idaeum it programa hay ro pagpatigayon it online classes ukon distance learning gamit ro mga printed ag digitized modules bilang delivery mode of learning nga ginaeakipan it mga importanteng leksyon nga dapat matun-an it mga learners sa andang natungdan nga grade level.
Mag-eowas kara, may mga supplementary programs man sigon ro eskwelahan para sa reading ag math kamana man ro book borrowing.
