KALIBO, Aklan—Kumpiyansa si Jancel Rufin Magbiro, professor sa Aklan Catholic College nga eubusan nga mapatalsik si Vice President Sara Duterte sa puwesto sa oras nga umpisahan eon ro impeachment trial kara sa Senado.
Suno kana nga ro impeachment hay angot sa pulitika.
Dapat suno kana nga bantayan it publiko sa daeagan it legal nga proseso.
Ro outcome sigon kara hay kinahangean nga sandig sa konstitusyon angot sa pagtalakay sa pitong articles of impeachment nga ginpasaka sa bise presidente sa impeachment complaint nga direktang ginpadaea it Kamara sa Senado ko Pebrero 5.
Nakataeanang pagabistahon it Senado ro ginpasaka nga impeachment complaint it Kamara kontra kay Duterte pagkatapos it State of the Nation Address (SONA) ni Pangueong Marcos sa Hulyo.
Sa pagahiwaton nga impeachment trial it Senado, nagakinahangean it two-thirds nga boto, ukon 16 sa 24 nga senador, agud nga eubusan nga mapatalsik si Duterte sa puwesto.
