Kalibo Aklan ——–Magapangatubang it kasong Direct Assault Upon A Person in Authority ro sangka eaeaki matapos nga angkiton sa ueo ag abaga kamana man nga gintueop ro sangka miyembro it Philippine National Police (PNP) nga naka-assign sa Kalibo Municipal Police Station.
Natabo ro insidente mga bandang alas 9:10 ro pang orason kabi-e samtang nagaresponde ro mga katapo it kapulisan sa ginreport nga pagkir-ar it kinagamao it suspek sa Purok 5 C. Lazerna Street, Poblacion,Kalibo.
Samtang , pag-abot sigon sa lugar hay nagpanago ro suspek paadto sa Purok 4, apang gilayon man nga nakit-an it mga otoridad.
Kat gin-eapitan sigon ni PCpl . Jose Quintar ro suspek nga si Edwin “palanggoy” Mateo it Barangay Sibalew, Libacao hay gilayon raya nga nagpangtu-eop ag gin-angkit pa ro nasambitan nga pulis.
Sa makarun hay temporaryong nakakulong ro suspek sa Kalibo Municipal Police Station ag nakataeanang pagapasakaan it nagakaigo nga kaso.
