Bangud sa sinumpaan nga profession bilang nurse ko una ag ko ulihi hay naging pulis, uwa nagduha-duha sa pagbulig si Patrolman Lhar T. Talaga it Caticlan Airport Police Station sa sangka ginang nga nagakinahang-ean it bulig bangud nga manug-onga eon raya sa Brgy. Caticlan, Malay.
Suno kay Pat. Talaga, naka-duty imaw kat ginapaeapitan imaw it asawa it ginang agud nga matan-aw raya bangud nga nagasakit eon ro anang tiyan.
Bangud sa may eksperyensya imaw sa pagpaonga bangud nga siyam nga dag-on raya sa serbisyo bilang nurse, gilayon nga gin-adtunan it pulis ro ginang agud nga mausisa ro anang sitwasyon.
Dikara suno kana nasayuran nga maonga eon ro ginang pagkatapos nga ginpatigayon ro internal examination ukon IE ag inde eon kaabot sa pinakamaeapit nga health center sa lugar rason nga ginpakamayad nana nga imaw mismo ro magpangalima sa pagpaonga sa misis.
Makataliwan ro pilang minuto hay malusog ag eowas nga nakaguwa ro eapsag maging ro ginang hay eowas man raya sa anang pag-onga.
Pagkatapos kara hay ginlaygayan sigon nana ro misis nga mag-adto sa health center agud nga mausisa ro andang kondisyon it anang eapsag.
Sa pihak kara, ginpadumdom ni Pat. Talaga ro mga misis nga likawan gid ro mag-onga sa panimaeay bangud nga vulnerable ro mga raya sa infection.
Si Pat. Talaga hay ginpakamayad nana nga maging pulis agud nga maenhance pa gid ro anang kasayuran ag maabo ro anang mabuligan.
