Bangud sa waea-tuo nga campaign paraphernalias it mga nagpadaeagan nga kandidato sa bilog nga nasyon, makit-an ro mga tambak it basura nga nagkalhit.
Angot kara, sangka religous group ro nagbulig sa pagpangkakas it mga tarpaulin partikular nga makit-an sa mga pampublikong lugar.
Suno sa presidente it The Church of Jesus Christ in Latter Day Saints nga si Ricarto Roberto, kada eleksyon hay boluntaryo sanda nga nagabulig sa mga makarundaya nga hilimuon agud nga insigidang malimpyuhan ro palibot bangud nga sayod eon kon sin-o ro nagdaeaog ag inde eon kinahang-ean pang makit-an nga nakabalandra ro mga raya.
Ginakabig sigon nanda nga obligasyon ro mga makarundaya nga aktibidad agud nga makabulig sa gobyerno.
Bukon eamang it sa raya nga eleksyon makit-an ro andang volunteerism kundi maskin sa ibang bagay partikular eon ro nagtuhaw nga pandemya.
Ginaeauman nga maging responsable ro tanan nga mga kandidato sa paghimos it andang kalhit.
