Nag-apela si Kalibo sangguniang bayan member Augosto Tolentino pinaagi sa sangka resolusyon nga butangan it elevator ro bag-ong municipal building it lokal nga gobyerno.
Suno kana, tuyo kara nga mataw-an it importansya ro mga tawo nga gustong sumaka ukon may kinahang-ean sa opisina ni Kalibo mayor Juris Sucro.
Kaparehas sigon sa mga person with disabilities ukon pwd’s ag mga senior citizen nga may transaksyon sa nasambit nga taeatapan nga kinahang-ean it mga raya nga may elevator agud nga inde sanda malisdan sa pagsaka sa mataas nga edipisyo.
Ginpahayag dugang ni Tolentino nga ro mga makarundaya kataas nga edipisyo hay kinahang-ean gid nga may elevator rason nga ginpasa nana ro nasambit nga resolusyon agud nga mataw-an it igtaeopangod ro apela it mga pwd’s ag senior citizens.
