Sangka rest house, natupok matapos ro nagtuhaw nga sunog

Kalibo Aklan —— Abo eun lang ro nabilin matapos nga masunog ro sangka rest house sa Barangay Feliciano Balete.

Raya hay ginapanag-iyahan ni Pabian Moya, 56-anyos ag residente it nasambitan nga lugar.

Nasayuran nga natabo ro sunog ko nagtaliwan nga biyernes matapos nga magsuga ro biktima kasunod it andang pagpanglimpyo sa andang palibot.

Ro nasambitang rest house hay himo sa mixed materials.

May kaangtanan kara, kat makita sigon ni Moya nga amat-amat eon nga gina-eamun it kaeayo ro andang baeay-paeahuwayan hay gilayon nanang ginhingabot nga indi maabot it sunog ro anda mismo nga baeay nga kapin sa 10 metro eamang ro antad sa rest house.

Kapin man sa 17,000 pesos ro gin-aywan nga danyos it nasambitang sunog.