Kalibo Aklan ——– Nagapabilin nga confined sa Aklan Provincial Hospital ro sangka motorista matapos nga aksidenteng mabungguan it kasub-eang kara nga tricycle sa porsyon it Brgy. Bacan, Banga.
Gindaea it mga katapo it MDRRMO-Banga sa nasambitang ospital ro biktima nga ginkilaea kay Jomar Masagnay, 42-anyos, residente it Brgy. Sigcay, Banga matapos nga makaangkon it lastro sa ueo ag iba pang parte it eawas kasunod it insidente.
Base sa report, maghalin sa Brgy. Poblacion si Masagnay kahapon ag magapauli eon kunta kat pag-abot sa nasambitang lugar hay aksidente imaw nga nabungguan it tricycle nga ginamaneho ni Rey Reyes, 27-anyos, residente it Brgy. Agbanawan, Banga.
Ginasugid nga owa sigon napan-uhan ni Reyes ro motorista rason nga ana rayang mabungguan.
