Presenteng naka-confined sa Provincial Hospital ro driver it motorsiklo matapos nga magpang-eapaw sa pakurbada nga karsadahon ag ginbungguan ro sangka kurae nga himu sa yero sa may Bgry. Badio, Numancia pasado alas 2:20 kaina it agahon.
Nakilaea ro biktima kay Patrick Angelo Dionisio Acusa, 25-anyos ag residente it Brgy. Arcanghel Sur sa banwa it Balete.
Suno kay Police Corporal Arjorine Mendoza, Imbestigador it Numancia PNP nga maghalin sa direksiyon it Poblacion Numancia ro biktima tag gulpi eon lang raya nga nagpang-eapaw sa pakurbada nga karsadahon it nasambit nga lugar.
Nahueog ro biktima sa may kanae ag gintambakan it kaugalingon nga motorsiklo.
Naka-angkon it nagakeain-eain nga lastro sa anang eawas ro biktima partikular sa may ueo ag mabahoe nga nina sa may uhayon kara nga ginapatihan nga naigo sa kanto it yero.
Dugang pa kara nga nga self accident ro natabo.
Nasayuran nga sa idaeom it makahieilong nga ieimnom ro biktima .
