Nagpaabot it reklamo sa Bombo Radyo ro sangka senior citizen angot sa andang problema sa presidente it andang pederasyon.
Suno kay Benedicto Igalin it Brgy. Andagao, Kalibo nga medyo nataeopangdan nanda nga ginagamit ni Mr. Reynaldo Villanueva ro anang posisyon sa pederasyon sa pangkaugalingong interes kon sa siin ginabati-bati nga magapailihir raya sa pagkakonsehal sa maabot nga barangay ag sangguniang kabataan eleksyon.
Ginpahayag dugang nga klaro raya nga bayolasyon rason nga gusto nanda nga makaangkon it eleksyon sa andang pederasyon nga may nagakaigong opisyal nga pwede nanda nga maeapitan.
Ginreklamo dugang ni Villanueva nga uwa haeos it oras kanda nga mga members ro andang presidente bangud nga kon may kinahang-ean kanda hay kon siin pa imaw mahagilap.
Maskin ro OSCA ukon DSWD suno kana ro nagatawag hay masako raya sa anang negosyo.
