KALIBO, Aklan—Nagapangatubang makaron sa kasong pag-eabag sa Presidential Decree 1865 ukon Illegal Selling of Petroleum Products ro sangka senior citizen matapos nga madakpang illegal nga nagabaligya it gasolina sa Brgy. Calimbajan, Makato bandang ala-1:45 it hapon.
Ginkilaea it Makato PNP ro tag-iya it baraka nga si Norberto Borlauz, 66-anyos ag residente it nasambit nga lugar.
Base sa report, nakabaton it impormasyon ro pulisya nga may illegal nga nagabaligya it gasolina sa nasambit nga lugar rason nga insigidang gin-usisa it pulisya.
May kaangtanan kara, nakumpiska sa anang posisyon ag kontrol ro ap-at nga litro it gasolina ag waeong ka bote it softdrinks nga uwa eon it sueod.
Bangud kara, gindaea sa taeatapan it pulisya si Borlauz kon sa siin imaw temporaryong nakakustudiya para sa nagakaigong disposisyon.
