KALIBO, Aklan—Sangka senior citizen ro nagdangop sa Bombo Radyo agud nga ireklamo ro barangay council it Tabayon, Banga.
Suno sa tagreklamo nga si Marlyn Magarzo nga owa ginbaton it andang barangay ro ginpasaka nga reklamo kontra sa daywang kaparehong senior citizens nga gina alegar nga nagpanggulo sa andang meeting ko nagtaliwan nga adlaw it domingo.
Sa baylo suno kana nga ipa-blotter ginsuhestiyon it konseho nga imbitahon eon lang ro magtimbang nga parte.
Bangud nga owa nakatambong sa invitation, gina-kwestiyon nana ro konseho sa pagpa-summon kana.
Nag ugat suno kana ro insidente matapos ro ginpatigayon nga eleksyon it mga senior citizens.
Nagpatigayon sigon sanda it separadong meeting sa guwa it andang barangay hall ukon pavement kaibahan ro bag-ong elect nga presidente apang pilit nga gingulo nanday Ambrocio Campos ag Alfonso Gomez.
Sa pihak nga parte, ginpamalibaran it ginareklamo nga si Ambrocio Campos nga nagpang-gulo sanda.
Sa baylo suno kana hay nagkomento eamang sanda sa ginhiwatan it meeting ag kon pila ro termino it presidente it andang asosasyon it mga senior citizens.
Owa man sigon it presensiya it mga barangay official.
Maskin nga bukon it kaibahan sa indigent senior citizen, gin-insister kara nga kinamatarung nanda nga masayuran ro kaundan it meeting.
Ginpamalibaran man nana nga una sanda sa impluwensiya it makahieilong nga ilimnon.
Sa pihak nga parte, nagpamalibad anay nga magkomento si punong barangay Rosellier Nalayog sa nasambit nga isyu.
