KALIBO, Aklan—Dead on arrival sa Aklan Provincial Hospital ro sangka senior citizen matapos nga masunggaban it container van pasado alas-7:08 kabi-i sa Brgy. Polo, Ibajay.
Nakilaea ro biktima nga si Ronel Solidum, 68-anyos ag asawa it barangay kapitan it nasambit nga lugar.
Base sa inisyal nga imbestigasyon it pulisya, halin sa Ibajay Public Market ro biktima kat gulping masunggaban raya it container van samtang nakasakay sa anang biseklita.
Ginasugid nga madueom ro porsyon it lugar rason nga owa imaw mapan-uhan it driver.
Ro container van hay halin sa Caticlan ag paadto sa direksyon it banwang Kalibo.
Gilayon pa nga gindaea sa ospital ro biktima apang owa eon nakaabot nga buhi.
Samtang, ro driver it nakasunggab nga behikulo hay una eon sa paghinakop it Ibajay PNP para sa nagakaigo nga disposisyon.
