KALIBO, Aklan–Owa eon it kabuhi kat masapwan ro sangka senior citizen sa sueod it anang baeay kahapon sa Brgy. Bakhaw Sur, Kalibo.
Nakilaea ro biktima nga si Arky Roldan, 62-anyos ag naga-isaeahanon eamang nga naga-istar sa anang baeay.
Suno kay Arly Roldan nga ko gabi-i it Dominggo hay nakainom ro anang magueang ag masami nga tig anong eon raya kun mabugtaw it masunod nga adlaw.
Bandang alas-8:00 it agahon sigon kahapon kat gintan-aw it anang kaibahan ro biktima kung siin nakita nanda raya nga nakaeubog sa saeog ag pag-abot it hapon hay uman nanda nga gintan-aw kung siin nakibot sanda bangud owa nag-iba ro posisyon kara.
Dikara eon sigon sanda nagdesidir nga tawgon ro andang hipag para pukawon ro anang magueang.
Mabahoe ro pagpati it pamilya nga posibleng inatake it hapo ukon anang sakit sa tagipusuon ro biktima nga naging rason it anang pagkatumba ag hinali nga kamatayon.
Nasayuran nga mismong si Kagawad Tessie Roldan ro personal nga nagbukas it purtahan it kwarto para pukawon ro biktima matapos nga impormahan imaw it anang mga kaeapit baeay nga owa gihapon kagguwa ro anang bayaw.
Ginapahayag nga mabakod eon ro biktima ag owa eon it ginhawa kat anda raya nga masapwan.
Insigida sigon sanda nga nagtawag sa mga otoridad para ipahisayod ro hitabo.
