Gin-engganyo it sangka student journalist ro kaparehong pamatan-on nga magpartisipar sa andang pagahiwaton nga online “Community Journ Camp Primer” sa Agosto 13 hasta 14, 2022.
Ginpahayag ni Jed Nykole Harme, editor ag project head it Explained PH-Aklan nga bukas raya sa tanan nga gustong magpasakop ag libreng ginahaead sa komunidad kadungan it selebrasyon it “Buwan ng Wika” makaron nga buean.
May gin-imbitahan sigon sanda nga mga dinapit nga bisita sa guwa it rehiyon para magpakigbahin it andang eksperyensya sa patag it journalism.
Tuyo kara nga matapna ro pag-eapnaag it disinformation ag misinformation eabi eon sa social media.
Ro Explained PH-Aklan hay sangka online news platform nga ginakaeakipan it mga campus student ag community journalist halin sa Junior High School ag kolehiyo sa bilog nga probinsya.
