KALIBO, Aklan–Daywang anggulo ro gina-imbestigahan it Bureau of Fire Protection ukon BFP Numancia sa posibleng kabangdanan it natabu nga pagkasunog it sangka panimaeay kabi-e sa Sitio Catipyugan Brgy. Dongon-West, Numancia.
Suno kay FO2 Ariel Villareal it BFP Numancia nga base sa andang pag-imbestiga sa tag-ana it baeay nga sanday Ronel ag Michelle Cawaling nga nag-umpisa ro sunog sa andang daeapugan bangud sa napabay-an nga tinug-on.
Apang ginsaysay man nanda nga may nataeupangdan sanda nga mga wirings nga naga-spark sa sueod it andang baeay nga himo sa mixed materials.
Sa makaron hay bukon pa it klaru kon paalin nga nag umpisa ro kaeayo nga nagpa-ugdaw sa bilog nga baeay.
Suno kay Michelle nga nakasanayan sigon nana nga ginasalang ro anang tinug-on ag gina-aywan agud nga mag-agto sa baeay it anang mother-in-law kun sa siin idtu nana ginahueat ro pag-uli it anang mister.
Gindugang pa ni FO2 Villareal nga ginahueat pa nanda ro igapasa nga affidavit of loss it mag-asawa antes nga makapaguwa it danyos nga tuga it sunog.
