-- ADVERTISEMENT --
KALIBO, Aklan–Partially damaged ro sangka panimaeay matapos nga masunog sa Brgy. Pook, Kalibo.
Ro baeay hay ginapanag-iyahan ni Genalyn Zonio, tumandok it Brgy. Alfonso XII, Libacao apang presenteng naga-istar sa nasambit nga lugar.
Ginapatihan nga naghalin ro kaeayo sa dapog matapos imaw nga magtug-on it pang ihapon.
Gilayon sigon imaw nga nag-adto sa baraka ag sa anang pagbalik hay nag-umpisa eon ro pagbahoe it kaeayo.
Madasig sigon nga nag-eapta ro kaeayo bangud nga ro baeay hay himo sa light materials ag maabu nga gatong sa ibabaw it dapog ag may mga bunot pa sa kilid.
-- ADVERTISEMENT --
Madasig man nga natapna it mga katapo it Bureau of Fire Protection (BFP)-Kalibo ro kaeayo.
Sa makaron hay nagapadayun pa ro imbestigasyon it mga otoridad angot sa insidente.
