Nagpaabot it reklamo sa Bombo Radyo Kalibo ro sangka tag-iya it bangka matapos nga gindakop sanda it miyembro it Bureau of Fisheries and Aquatic Resources ukon BFAR bangud sa bayolasyon nga bukon sigon sanda it otorisado nga magpangisda.
Suno sa tagreklamo nga si Joemarie Galvez it Brgy. Cawayan, New Washington, on process eon ro andang renewal sa andang lisensya kapin sa sang buean eon raya nga ginaproseso ag uwa pa nakaguwa ro orihinal nga dokumento rason nga resibo ro andang ginabuytan nga pamatuod nga legal ro andang pagpangisda.
Apang, gin-insister sigon it ginhingaean kara nga si Arnel Cipriano it BFAR nga bukon imaw it otorisado nga magpangisda bangud nga uwa it ginapakita nga dokumento ag inde kara pagbatunon ro ginatanyag nana nga resibo.
Haeos P25,000 pesos sigon ro balor it andang bayolasyon ag inde raya mabaton it tagreklamo bangud nga uwa sanda it gin-eabag sa laye.
Gin-insister dugang nga mabayad imaw it penalidad kon may nakomiter nga bayolasyon apang sayod sigon imaw nga tama ro andang pagpangisda kaya uwa it rason para sanda hay dakpon
