KALIBO, Aklan—Uman nga nangibabaw ro talento it sangka aklanon pag-abot sa spoken word poetry matapos nga maiuli ro grand champion sa nagtapos nga Sining Bayanihan National Competition 2021.
Ro nasambitan nga kompetisiyon hay nagatuyong magpaabot it programa sa mga pamatan-on agud nga maipaaeyo sa maeain nga bisyo ukon ro kampanya it Philippine national police nga “kabataan kontra droga”.
Antes nga makaabot sa national competition hay ginasaea anay ro mga representante umpisa sa provincial hasta sa regional level.
Suno kay Mr. Alfred Ginoy, sangka Spoken Word Poet ag grand champion sa Sining Bayanihan National Competition 2021 nga hilig eun nanang magsueat it mga tula ag bilang sangka writer hay mabahoe gid ro naibulig kana agud nga magdaog sa nasambitan nga kompetisiyon.
Ro anang winning piece hay may titulong; “Salmo sa pagsabat” kung sa siin ro mensahe hay nakatutok sa pagsolbar sa mga problema ag sa reponsibilibad it mga Kristiyano sa pihak it nagkaeain eain nga nagakatabo makarun sa kalibutan.
Samtang, nagpasample man raya sa Bombo radyo kalibo it anang piyesa nga nagpangibabaw sa bilog nga nasyon.
