Ginakabig ni Mr. Kim Sin Tugna, provincial coordinator it Bagong Alyansang Makabayan ukon Bayan Aklan nga sangka teroristang tikang ro ginahimo it mga katapo it Philippine Army.
Raya hay kasunod it pagpangusisa kon siin ro anang baeay.
Ginpahayag dugang nga ro nasambit nga tikang hay kaparehas sa mga ginhimo sa mga naunang lider it aktibista nga naging biktima it extra judicial killing.
Sa andang pagpangusisa, kapin sa 12 bilog nga miyembro sigon it 301st Infantry Battalion Philippine Army ro presenteng nagarenta it boarding house sa C. Laserna St., Kalibo.
Suno pa kay Mr. Tugna, bukon eamang it andang baeay ro ginausisa kundi pati ro kay George Calaor nga presenteng naka on-leave sa andang grupo.
May kaangtanan kara, nagpablotter sa Kalibo police station si Tugna bilang depensa man sa anang kaugalingon.
