KALIBO, Aklan—Matapos nga makabatun it karo nga ginregalo kara it anang barkada, nakahiligan eun it sangka tomoeuo nga kada pag-abot it Semana Santa ukon Holy Week hay magpartisipar sa procession bilang pagpakita it anang pagtuo ag debosyon.
Suno sa sangka karo owner nga si Asia Adrianna Ybarra, nga may masobra ap-at nga dag-on eun imaw nga nagapartisipar sa procession kada dag-on bilang pagdumdom sa sakripisyo ni Hesukristo.
Ginapahayag dugang nga sa pihak it mga kalisdanan it anang pamilya hay padayun sandang naka-eampuwas ag sambilog sa mga nagabulig kanda hay ro anang karo nga si Santa Maria Ina ni Juan Marcos.
Blessing man suno pa kana ro anang pagkaangkon it Santa ag haeos raya ro nagatao kanda it kabaskog.
Ginapahayag dugang nga maskin sa anang pagka-edad hay magapadayun ro anang pagpati ag debosyon sa anang karo.
Samtang gin-eaygayan man kara ro mga deboto nga gustong makaangkon it karo nga mag-umpisa eang anay sa maisot hasta nga makapaubra it mas mabahoe.
Nasayuran nga bangud sa padayun nga pakikipagsukoe sa pandemya tuga it coronavirus disease 2019 ukon covid-19 hay ginabaeawan anay ro pagpatigayon it procession.
Apang ro ibang mga karo owner hay naghimo it exhibit agud nga ma-display sa gihapon ro andang karo sa publiko.
