Bangud sa imbensyon nga remote kissing device it mga estudyante halin sa sangka unibersidad sa china, indi eon magakalisod ro mga couples nga una sa LDR ukon long distance relationship.
Raya hay bangud nga pwede eon nanda nga maexperiensiyahan ro authentic feeling it paghaearuan sa kada isaea.
Ro device hay may silicone nga korteng bibig nga module nga dikara pwedeng mag-haru agud nga mai-transfer raya sa bibig it karelasyon pinaagi sa internet.
Ro device hay may link sa telepono pinaagi sa Bluetooth ag sangka app.
Ro pamaagi hay kapareho it naga-send it message ukon impormasyon.
Nakakabulig sigon ro remote kissing device agud nga mabatyagan it lovers ukon couples nga naga-istar sa nagkaeain-eain nga lugar ro kiss it andang partners.
Mabahoe man nga bulig ro digitan nga haru para sa palangga sa kabuhi nga may sakit.
Ro imbensyon hay gin-patent it Changzhou Vocational Institute of Mechatronic Technology.
Suno kay Jiang Zhongli nga na-imbento nana ro device matapos nga makabatyag it sobrang kahidlaw sa anang nobya nga sa mabuhay nga tiempo hay owa nana nakita bangud sa magkaibang unibersidad nga gina-eskwelahan .
