Kalibo Aklan ——-Arestado ro sangka wanted person sa kasong slight physical injury and damage to property kasunod it gintingub nga pwersa it CIDG-Aklan ag 605th MARPSTA-MPP Dumaguit pasado alas 5:00 kahapon sa Brgy. Jugas, New Washington.
Ro akusado hay ginkilaea kay Reynante Almanon, 40-anyos, residente it Brgy. Guinbaliwan sa nasambitang banwa.
Si Almanon hay naaresto pinaagi sa gahum it warrant of arrest nga may criminal case number 2036-A nga ginpagguwa ni Presiding Judge Alicia A. Cruz Barrios, MTC, Kalibo, Aklan nga may petsang Mayo 28, 2020.
Kapin sa 3,000 pesos ro gintaeana nga pyansa it korte para sa temporaryong kahilwayan it akusado.
Si Almanon hay presenteng nakakulong sa New Washington Municipal Police Station ag nakataeana nga igaturn-over sa korteng natungdan para sa nagakaigo nga disposisyon.
