KALIBO, Aklan—Arestado ro sangka wanted person nga may kasong frustrated murder sa ginpatigayon nga operasyon sa Brgy. Poblacion, Kalibo.
Base sa report, nadakpan it gintingub nga pwersa it Aklan PPO Trackers Team, 605th MARPSTA, CIDG-Aklan, Kalibo PNP ag Provincial Intelligence Unit ro akusado nga si Mark Gonzales alyas “Mac-Mac”, 28-anyos ag residente it Brgy. Bakhaw Norte, Kalibo sa gahum it warrant of arrest.
Ginpaguwa ni Hon. Montalid P. Patnubay, Presiding Judge, RTC-6, Branch 9, Kalibo, Aklan ro warrant of arrest kontra kay Gonzales ko hulyo 29, 2020.
Ro akusado hay ginderetso sa APPO para sa nagakaigo nga dokumentasyon antes nga ginturn-over sa korte nga natungdan.
Kapin sa 200,000 pesos ro gintaeana nga piyansa it korte para sa anang temporaryong kahilwayan.
