KALIBO, Aklan—Ginpaabot it sangka residente nga mabuhay eon nanda nga problema ro sangkaterbang kadiri nga eangaw nagakalhit sa sueod ag guwa it mga baeay ag iba pang mga lugar.
Suno kay Chris Senatin it Barangay Rigador, Ibajay nga kaeabanan nga nagiging sakit nanda it ueo ro mga eangaw kon naga-harvest it mga manok sa sangka poultry farm ukon manokan sa nasambit nga lugar.
Dati suno kana hay napahagan-hagan eon ro pagpanaeasa it mga eangaw bangud sa pag-spray it insecticide, apang makaron hay napabay-an it management .
Ginpahayag dugang nga indi sanda masyadong makakaon ag nagakabaeaka sa andang ikamayad nga eawas bangud nga puro eangaw sa andang palibot.
Kaeabanan sigon nga ginahalinan it eangaw ro higku it manok.
Naka-abot eon man sigon ro pag-atake it mga eangaw sa kaiping nga barangay it San Isidro .
Angot kara, nag apela imaw sa lokal nga gobyerno it Ibajay nga aksyunan eagi ro problema.
