NATIONAL News — Paga-eauman it mga motorista ro pagnaba it presyo it petrolyo sa masunod nga domingo matapos ro tatlong sunod-sunod nga pagtaas it presyo makaron nga dag-on.
Suno sa Department of Energy – Oil Industry Management Bureau (DOE-OIMB), posibleng magnaba ro presyo it gasolina it ₱0.70 hasta ₱1.00 kada litro, diesel it ₱0.20 hasta ₱0.55 kada litro, ag kerosene it ₱0.40 hasta ₱0.50 kada litro.
Ro rollback hay tuga it uman nga pagbukas it mga refinery ag port sa US Gulf Coast matapos ro winter storm, pati eon man ro epekto it mga pangkalibutanon nga kalakalan ag ginsuhestiyon nga taripa it US sa ekonomiya ag demand sa enerhiya.
Suno sa datos, nakaangkon it kabilugan nga pagtaas nga ₱3.45 kada litro sa gasolina, ₱5.00 sa diesel, ag ₱4.30 sa kerosene makaron nga dag-on.
Ro pinal nga presyo hay iga-anunsyo sa Lunes ag igapatuman sa Martes nga adlaw.
