NATIONAL News — Ginkumpirma it Office of the Vice President (OVP) nga nagbiyahe eon paagto sa Amsterdam, Netherlands si Vice President Sara Duterte, agahon it Miyerkules kasunod it pagka-aresto sa anang amang si dating Pangueong Rodrigo Duterte.
Sa sangka mensahe sa mga mamamahayag, ginpahayag it OVP nga nagbiyahe si VP Sara halin sa Manila bandang 7:40 it agahon sakay it Emirates flight no. EK 337 paagto sa Amsterdam.
Ro dating presidente mat-a hay ginbiyahe paagto sa Rotterdam The Hague Airport halin sa Al Maktoum International Airport sa Dubai makaron nga agahon.
Ro eroplanong anang ginsakyan hay nag-abot sa Dubai bandang 4:03 it aga-aga (oras sa Dubai) ko Miyerkules, limang oras matapos raya nga naghalin sa Villamor Air Base sa Pasay City, ko Martes, alas-11:03 it gabi-i.
