Bukas eon ro satellite Land Transportation Office ukon LTO sa Sitio Bacolod, Brgy. Caticlan sa banwa it Malay.
Suno kay Engr. Marlon velez, head it LTO-Aklan nga mabahoe nga bulig ro extension office agud nga mabawasan ro workload it LTO office sa banwa it Kalibo ag mas pang maserbisyuhan ro mga kliyente halin sa kaiping nga mga banwa it Malay.
Mapahagan-hagan man sigon kara ro kabudlay ag gastos sa pamasahe sa pakikipag-transaksyon para sa pagpa-rehistro it mga saeakyan ag motorsiklo kamana man ro renewal ukon applications para sa driver’s license.
Ginklaru kara nga ro new licenses ukon bag-ong lisensiya hay dapat nga makipag-transaksyon sa andang main office sa Brgy. Tigayon, Kalibo, Aklan.
Magiging madasig eon man sigon kara ro application ukon renewal it driver’s license.
Mag-eowas sa mga aklanon hay pwede man nga makipag-transaksyon ro mga kliyente halin sa kaiping nga banwa it Pandan, Sebaste, Culasi ag Libertad sa probinsiya it Antique.
