-- ADVERTISEMENT --
KALIBO, Aklan—Naging madinaeag-on ro ginpatigayon nga satellite registration sa pakikipagbueuligan it Commission on Elections ukon Comelec ag lokal nga gobyerno it Kalibo nga ginhiwat sa Kalibo Pilot Elementary School.
Suno kay John Marlo Salido, Local Youth Development Officer it LGU-Kalibo nga maskin nga 100 eamang ro andang target nga mabuligan nga registrants hay bumuhos ro maabu nga mga pumueuyu agud nga makahingabot sa September 30 nga deadline it voter registration para sa 2022 nga eleksyon.
Gindugang pa ni Salido nga ro pagbukas it satellite registration hay tiempo nga inisyatibo bangud nga pilang adlaw eon lang ro nabilin antes ro deadline kapin pa ag bukon it pabor ro comelec sa ginaduso nga extension.
