Ginbatikos ni Crown Prince Mohammed bin Salman it Saudi Arabia ro Israel bangud sigon sa “kolektibong pagpatay” nga nagakatabo sa Gaza.
Sa pueong it mga lider it nasyong Islamiko nga ginpatigayon sa Riyadh, uman nga ginkondena it kaharian ro mga pagpatay nga ginahimo it Israel kontra sa mga Palestinian.”
Masobra sa 43,000 katawo eon ro namatay sa Gaza halin kat nag-umpisa ro pag-atake it Israel ko nagtaliwan nga dag-on.
Gindepensahan man it Crown Prince nga kilaea bilang MBS ro Iran, kabaliskaran sa anang pahayag ko 2017 nga ginakumpara ro Iranian Supreme Leader Ayatollah Ali Khamenei kay Adolf Hitler.
Madumduman nga naayos it Riyadh ag Tehran ro andang relasyon ko nagtaliwan nga dag-on matapos ro dekadang hidwaan angot sa andang poder sa rehiyon.
Nasayuran nga tuyo it pueong ro pakikipagbuylog it posisyon ag pag-insister sa internasyonal nga komunidad nga magpatuman it mga tikang agud wakasan ro mga padayon nga pag-atake ag maangkon ro pangmabuhayan nga kalinungan.
