KALIBO, Aklan—Nagapadayun makaron ro search and rescue operation it Philippine Coast Guard Caluya Sub-Station sa piloto it sangka aircraft nga bumagbag sa kaeawran nga sakop it Mindoro, Palawan ag Caluya, Antique.
Sa natipon nga impormasyon it Bombo Radyo Kalibo halin sa Caluya Municipal Police Station, ro nasambit nga aircraft hay bumagbag bandang alas-11:30 it agahon ko Lunes nga adlaw.
Ginamaneho sigon raya it pilotong Saudi national nga nakilaeang si Capt. Jose Nelson Escalante Yapparcon.
Nauna kara, nakita it mga mangingisda ro bag it piloto nga may sueod nga mga importanteng gamit nga na-trap sa lambat it seaweed plantation nga ginatantiya nga daywang kilometro halin sa shoreline it Sitio Panagatan 1, Brgy. Harigue, Caluya, Antiqu
Positibong ginkilaea it anang unga nga si Jayson Yapparcon ro narekober nga bag kun sa siin, personal nga ginbalik kana it PCG, Municipal Disaster Risk Reduction Management Council (MDRRMC) Caluya samtang nagahueat sa Semirara Mining and Power Corporation Airport.
Samtang, nagapangayo makaron it bulig ro Saudi embassy sa mga divers sa Panay Island agud nga mausoy ro biktima.
