KALIBO, Aklan—Bukon it pabor ro Sangguniang Bayan it Kalibo sa pagpataas it power rate it Aklan Electric Cooperative (Akelco).
Suno kay SB member Ronald Marte, Chairman it Committee on Energy nga insigida sanda nga nag-ubra it resolution ko nagtaliwan nga buean para baeabagan ro proposisyon.
Sa kamatuoran suno kana hay nagpatawag sanda it special session para baeabagan ro pagpataas it panueoktan sa kuryente.
Masyado sigon nga mahae ro masobra 10 porsyento nga pagtaas.
Dapat sigon nga makaangkon man it konsiderasyon ag ipanaog raya sa 5 porsyento bangud maabu pang negosyante ag mga pumueoyo ro owa pa masyadong nakabangon halin sa epekto it pandemya.
Bukon man sigon it makatarungan ro nasambit nga power rate increase eabi pa ag sunod-sunod ro naeksperyensyahan nga power interruption ko mga nagtaliwan nga adlaw.
