KALIBO, Aklan — Nagdihon it resolusyon si Sangguniang Bayan member Engr. Emerson Lachica nga nagahinyu sa Municipal Engineering Office it LGU-Kalibo pinaagi kay Municipal Engineer Amalia Francisco nga magpaguwa it certified true copy nga ginpaidaeum sa tensile strength ukon katibay it pundasyon it gina-construct makaron nga bag-ong kalibo public market.
Raya hay kasunod it ginpatigayon nga ocular inspection it Committee on Infrastructure kaibahan sanday SB member Engr. Rex Bautista ag SB member Ronald Marte.
Nakabaehag sigon sa anang resolusyon nga gusto nanda nga masayuran ro resulta it ginpatigayon nga compressive strength it steel ag concrete agud nga matumod ro kapag-on it saesaeon nga gingamit kamana man ro steel i-beam ag ro concrete.
Samtang, gindugang pa ni SB Lachica nga ginpaburan man ni Mayor Juric Sucro ag iba pang natungdan nga taeatapan ro adjustment nga pagahimuon sa design it mga stalls nga nauna eon nga ginreklamo it mga katapo it Kalibo Public Market Stall-Owners and Vendors United Association bangud nga masyadong mapi-ot .
