Hugot nga nagapamaeabag si Sangguniang Bayan member Augosto Tolentino nga ihalin sa Toting Reyes St. ag Martelino St. Kalibo ro mga negosyante ag vendors.
Raya hay kasunod sa ground breaking nga ginpatigayon it lokal nga gobyerno sa igapatindog nga bag-ong merkado publiko.
Suno kana, uwa imaw nagaoponer sa igapatindog nga tindahan apang ro plano it opisyal it Kalibo nga sa karsada ibutang ro mga vendors sa nasambit nga lugar hay klaro nga bayolasyon sa laye.
Nakabaehag sigon kara nga bawae ro mga obstructions sa mga nagapangunang karsadahon rason nga dapat nga taw-an it nagakaigong lugar ag eogta nga temporaryong halinan it nasambit nga mga negosyante agud nga inde mapundo ro andang pagbaligya kamana man inde sanda mawad-an it pangabuhian adlaw-adlaw.
Madumduman nga mabuhay eon ro handom nga makapatindog it bag-ong merkado publiko ro banwa it Kalibo bilang sentro it komersyo sa probinsya it Aklan.
