-- ADVERTISEMENT --
KALIBO, Aklan–Aminado si Kalibo Sangguniang Bayan member Philip Yerro Kimpo nga maka-alarma ro natabo nga pagkarumpag it pilang porsyon it revetment wall sa Sitio Guba, Brgy. Tigayon, Kalibo.
Rason nga insigida imaw nga nagpasa it sangka resolution sa session it Sangguniang Bayan matapos nga mabaton ro impormasyon.
Personal man sigon nana nga ginbisitahan ro area agud nga makita ro presenteng sitwasyon.
Ginkalipay man kara ro madasig nga pag-apruba it kaparehong konsehal kung siin naipadaea eon nanda ro kopya it approved resolution sa Department of Public Works and Highways (DPWH)-Aklan.
Sa makaron hay nagahueat pa sigon sanda kung hin-uno makapatigayun it pueong kaibahan ro taeatapan agud nga maistoryahan ro posibleng solusyon sa problema.
-- ADVERTISEMENT --
