Kalibo Aklan ————Padayon nga ginaimbestigahan it mga otoridad ro pagkamatay it sangka opisyal sa Western District it Aklan.
Sa inisyal nga imbestigasyon it pulisya, ginasugid it pamilya nga nakaangkon it depression ro 48-anyos nga eaeaki nga Sangguniang Bayan matapos nga nagpositibo sa COVID-19.
Una kara, ro ana mismo nga helper ro nakakita kana nga uwa eon it kabuhi sa baeay nga ginapaobra sa tunga it eanas bandang alas-3:00 it hapon.
Angot kara, insigida nana nga ginpasayod ro anang pamilya kon sa siin ginapatihan man it mga raya nga uwa it foul play sa anang hinali nga kamatayon.
Samtang, kon may problema ka nga ginaangkon ag gusto mo it kaistorya, pwede kang magtawag sa National Center for Mental Health Crisis Hotline (NCMH-USAP) sa numero nga 0917-899-USAP (8727) ukon sa 7-989-USAP (8727) kamana man sa Hopeline PH 24/7 hotline numbers nga 0917-558-4673; 0918-873-4673 ukon 2919.
