Kalibo Aklan ——-Bangud sa kauna-unahan nga kaso it local transmission sa probinsiya it Aklan, nagpasa it sangka resolution si Sangguniang Bayan Member Agosto Tolentino nga nagahinyu kay Kalibo Mayor Emerson Lachica nga magbakae it kaugalingon nga Reverse Transcription Polymerase Chain Reaction (RT-PCR) machine.
Suno kay SB Tolentino nga owa pa imaw it ideya kon pila ro kantidad it RT-PCR machine.
Igabutang sigon raya sa Municipal Health Center , kun sa siin , may una eon nga daywang medical technologists ag magadugang pa kon kinahangeanon.
Maskin suno kana nga may una eon kara sa molecular laboratory sa aklan provincial hospital, apang mas mayad gihapon nga makaangkon it RT-PCR machine agud nga may magamit sa pag-usisa it mga swab sample agud nga makumpirma kun ro sangka indibidwal hay positibo ukon negatibo sa COVID-19.
Mag-eowas kara, naghinyu man imaw it dugang nga RT-PCR machine kay Cong Carlito Marquez.
Samtang, sambilog pang resolusyon ro gindihon sa konseho nga nagahinyu kay Mayor Lachica angot sa regular nga pag supply it bond paper nga 20 reams kada buean sa tanan nga mga Elementary Schools sa banwa it Kalibo umpisa sa buean it Oktubre it makaron nga dag-on.
