KALIBO, Aklan–Gintaw-an it punto ni Kalibo Sangguniang Bayan member Augusto Tolentino ro obligasyon ag responsibidad it mga jail guard ag warden sa tunga it mainit nga isyu angot sa pag-eskapo it sangka preso sa sueod it Aklan Rehabilitation Center ko nagtaliwan nga buean.
Suno kay Tolentino, dapat nga magpaidaeom sa Jail Management Administration ro mga guwardiya agud nga mas maintindihan it mga raya ro andang trabaho.
Dugang pa kara nga obligasyon it jail guard nga usuyon ag dakpon ro naga-eskapo nga preso.
Engkaso nga indi madakpan hay posibleng pasakaan it penalidad ukon makakas raya sa serbisyo.
Makabig sigon nga mabahoe nga lapses sa parte it mga jail guard kun may inmate nga maka-eskapo sa idaeom it andang pagdumaea.
Angot kara, nagpanawagan man si Tolentino kay Governor Joen Miraflores ag Provincial Administrator Atty. Selwyn Ibarreta nga maghimo eon it aksyon agud nga masolusyonan ro problema sa mas madali nga panyempo.
