Ginpamilit ni House Lead Prosecutor ag Batangas Rep. Gerville Luistro nga ginpabakod it Korte Suprema ro mekanismo it saeabton sa idaeum it Konstitusyon matapos ibasura ro petisyon ni Vice President Sara Duterte nga nagakuwestiyon sa impeachment proceedings nga ginpatigayon it House Committee on Justice.
Suno kay Luistro, ginpabakod it desisyon it Korte Suprema ro prinsipyong owa it sin-o man nga lingkod-bayan, kaibahan ro ikaywang pinakamataas nga opisyal it nasyon ro mas nagapangibabaw sa saeabton sa idaeum it laye.
Ginpahayag pa nana nga ro desisyon it Supreme Court hay nagapamatuod nga pwedeng magpadayun ro proseso it impeachment ag ro pag-usoy it hustisya it pumueuyu.
Bangud kara, nagpanawagan si Luistro nga respetuhon ro Konstitusyon, isueong ro rule of law, ag pabay-an it buytan it impeachment court ro mandato kara it hilway, patas, ag owa it ginapaburan.
