KALIBO, Aklan—Nagpaandam si P/Lt. Col. Belshazzar Villanoche, hepe it Kalibo municipal police station sa tanan nga mga nagagamit it scanned copy it travel pass agud nga makaeusot sa mga gintukod nga border control checkpoint sa banwa it Kalibo.
Suno kay Villanoche nga umpisa sa Hulyo 23, Biyernes nga adlaw hay igabawae eon nanda raya.
Sa pihak kara sa mga tawo nga magagamit sa gihapon it scanned copy ag bukon it original nga signature it andang alkalde hay pagabalikon sa andang natungdan nga banwa.
Ginpamilit kara nga tuyo nanda nga mabaeabagan ro pagpinanaw it mga tawo eabi eon sa banwa it Kalibo nga bukon man it importante agud nga matapna ro transmission it deadly virus.
Madumduman nga ginkasugtanan it Provincial Inter-Agency Task Force nga 15 hasta 20 eamang nga ka travel pass ro iga-isyu kada adlaw it mga munisipyo.
Exempted sa travel pass ro mga may medical emergency, Authorized Person Outside Residence ukon APOR ag Certificate of Employment ag company ID.
Ginpasiguro man ni villanoche nga temporaryo eamang ro makarondaya nga set-up samtang padayun pa ro paglobo it COVID-19 cases sa probinsiya.
