Nagpangayo it pasaylo ro sangka public school principal sa Masbate matapos ro anang mga mapanamad nga pahayag online kontra kanday Akbayan Representatives Chel Diokno ag Percival Cendaña, kamana man kay Atty. Jesus Falcis.
Sa anang apology nga ginpaguwa sa Facebook page it Dimasalang National High School, ginpahayag ni Principal Randy Emmanuel Villar Bulanon nga dapat hay nagpakita imaw it mas nga pagdahan, pagpugong sa kaugalingon ag tamang pagdesisyon sa anang mga social media post, eabi eon bilang school principal.
Kaibahan sa anang mga naunang post sa sangka gin-deactivate eon nga Facebook account ro mga mapanamad nga komento angot sa seksuwalidad ni Falcis ag pagpangsura sa pisikal nga itsura nanday Diokno ag Cendaña, nga sangka stroke survivor.
Nagpangayo man it pasaylo si Bulanon sa Department of Education (DepEd), sa school community ag iba pang stakeholder.
Suno kana nga haum imaw nga atubangon ro anumang nagakadapat nga penalidad nga igapapanaog sandig sa laye ag sa patakaran it DepEd.
Samtang, ginpahayag it DepEd Masbate School Division Office nga gin-aksyunan eon nanda ro insidente base sa due process, fairness ag accountability.
