Sa pihak it mga hangkat nga nag’agi sa school year 2023-2024 it mga eskwelahan sa Region 6 ginpalig’on sa gihapon it Department of Education ro mga eskwelahan nga mag’adapt sa eain’eain nga modalities it pagtinueun’an agud maging suited sa mga estudyante.
Raya ro ginpahayag ni Hernani Escullar Jr. ro spokesperson it DepEd Region VI.
Padayon man suno kana ro andang ginahimo nga pagmonitor sa mga systems para sa mga eskwelahan eabi eun ro mga division offices.
Tuyo kara nga mapadayon ro pagturo it mga manugturo nga naangot sa kun ano ro kinahang’ean it estudyante ag agud mabueo ro mga dapat matun’an.
Nag’implementar man sigon it mga programa kapareho it National Learning Program, National Literacy Program, Catch Up Fridays ag maabong iba pa.
Ro mga division offices suno kay Escullar hay may mga innovations pag’abot sa literacy, numeracy ag 21st century skills.
Ginasigurado man nanda ro mga best learning practices it mga manugturo hay maipasa it mayad sa mga estudyante.
Dugang pa ni Esullar nga amat’amat eamang ro pagbalik sa nasambitan nga pre-pandemic school calendar.
Nasayuran nga magabukas ro masunod nga klase sa July 29 ag magasara sa April 14, apang nagahueat pa sanda it masunod nga mga anunsyo sa Malakanyang agud sigon nga may legal basis.
Samtang, base man sa DepEd Order 3 series of 2024 nga uwa it mandatory nga mga tasks ro itao sa mga manugturo bilang pahuway man nanda sa andang mga ginhimo nga sakripisyo.
Magabalik ro mga aktibidades sa Hulyo kapareho it Palarong Pambansa ag iba pa.
Pagsaysay ni Escullar nga nahueat pa nanda ro official school calendar apang base sa DepEd Order 3 nga nakalinya ro Brigada Eskwela sa Hulyo 22-27.
Sa pihak nga parte, eubos man suno kana ro kalipay ni Department of Education-Region 6 (DepEd-6) Director Dr. Ramir Uytico sa bangud sa mabahoe nga bulig ro supply allowance nga P10,000 para sa mga public school teachers.
Sa makaron, masako sanda para ipatuman ro Matatag Curriculum it DepEd.
