Nakasikyar ro Pilipinas it silver medal sa women’s six-a-side cricket competition sa Southeast Asian Games sa AZ Group Cricket Oval sa Phnom Penh, Cambodia.
Matapos ro kapyerdihan sa Indonesia sa score nga 25-78 hay nakabawi ro koponan ag umabanse sa final sa score nga 54-42 matapos ro kadaeag-an kontra sa host country nga Cambodia.
Ro Philippine women’s 6-a-side team hay ginakomponeran nanday Jennifer Alumbro, Jhon Andreano, Josie Arimas, Shanilyn Asis, Catherine Bagaoisan, Jona Eguid, Joelle Galapin, Mar Mandia, Johannah McCall, Lolita Olagiure, Romela Osabel, Riza Penalba, April Saquilon, Simran Sirah, ag Alex Smith.
Ro Pilipinas hay nakataeana pang maghampang para sa bueawan sa medalya sa T10 category sa Mayo 16.
Ro unang kahigayunan it cricket hay ginhampang sa biennial event ko 2017 edition SEA Games.
